3 Лістапада ў гарадзенскай Этнакраме "Цудоўня", адбудзецца выступ вядомага беларускага музыкі, фалькларыста, кампазітара і пісьменніка Івана Кірчука з праграмай “Каляда ў Гародні”.

Іван Іванавіч Кірчук, вядомы як лідар этна-трыа “Троіца”, аўтар шматлікіх праграм і рэканструяваных абрадаў і святаў для сярэднеспецыяльных і вышэйшых навучальных устаноў Беларусі. Яго працы транляваліся па дзяржаўных радыё і тэлебачанні ў Еўропе. На базе Мінскага вучылішча мастацтваў стварыў навучальныя лабараторыі і фальклёрныя ансамблі – “Прадвесне”, “Бліскавіца”, “Дабрадзеі”, “Дзіва”, якія ў розныя годы сталі лаўрыятамі фестывалей ў Нямеччыне, Польшчы, Літве, Эстоніі, Расіі. Рэжысёр сцэнічных пастаноў: “Свята ў вёсцы”, “Вяселле на Віцебшчыне”, “Мацей і Аўдзей”, а так сама шмат іншых. 

Рэканструяваў традыцыйны лялечны тэатр “Батлейка” сумесна ў народнымі майстрамі. У 1999 годзе атрымаў грант ад Фонда Сораса і гастраляваў па Босніі і Герцэгавіне, дзе больш за 20 разоў прадстаўляў глядачам сольную праграму з лялечным тэатрам і музычнымі інструментамі. У той жа час пачыналіся музычныя эксперыменты ў обласці народнай музыкі з гуртом “Этна-трыа Троіца”. 

У Горадне выступ адбудзецца з сольнай праграмай “Каляда ў Гародні”, якая прысвечана святу “Каляды”, якое штогод святкуеца напрыканцы снежня. 
Глядачы змогуць бліжэй пазнаёміцца з гісторыяй і традыцыяй гэтага свята. 

Выступ адбудзецца 22 Снежня ў 19:00, па адрасе Кірава, 3 (Этнакрама Цудоўня) 

Уваход
12 рублёў.
У дзень канцэрту 15 рублёў.