15 лістапада ў этнакраме “Цудоўня” ў межах праекта “Гістарычныя аўторкі” адбудзецца сустрэча з вядомым гісторыкам Андрэем Чарнякевічам на тэму “Культ Юзафа Пілсудскага ў Гародне ў міжваенны перыяд”

Асоба Пілсудскага, добра вядомая не толькі ў Польшчы, неадназначная для гарадзенцаў і наогул беларусаў, і, канешне, ахутаная гістарычнымі міфамі. У іх дапаможа разабрацца Андрэй Чарнякевіч, гарадзенец, кандыдат гістарычных навук, аўтар кнігі “Нараджэнне беларускай Гародні” і іншых.

"У падстаў палітычнага культу зазвычай стаіць спалучэнне міфа, сімвала ды рытуалу. Формула “Гродна-Пілсудскі-Польшча” і сапраўды прапанавала даволі зразумелае тлумачэнне палітычнага ладу. Што праўда, гэты вобраз таксама часамі перажываў пэўныя карэктывы, нечакана ствараючы зусім новую рэчаіснасць..." (с) А.Чарнякевіч.