Бліжэйшым аўторкам, 16 жніўня, у "Цудоўні" адбудзецца паэтычная вячора з прэзентацыяй дыску "Галасы паэтаў" і музычна-спеўнай часткай. Удзельнічаюць Таццяна Грыневіч, беларуская паэтка-бардэса, музыка, і Антаніна Хатэнка, пісьменніца-публіцыстка, літаратуразнаўца.

На дыску - аўдыёзапісы класікаў і сучаснікаў беларускай паэзіі, якія самі чытаюць свае творы. Галасы Якуба Коласа, Ларысы Геніюш, Андрэя Хадановіча, Ніла Гілевіча, Рыгора Барадуліна і іншых пад адной вокладкай...
Са слоў укладальнікаў, дыск задуманы як аўдыёдапаможнік для вывучэння беларускай літаратуры ХХ-ХХІ стст., але запісы кранаюць сэрца любога беларуса і аматара па'эзіі.

На імпрэзе будзе магчымасць у чарговы раз пераканацца ў тым, што вершы не толькі пішуцца і чытаюцца, але і спяваюцца. 
Нас чакае выступ Таццяны Грыневіч з песнямі на вершы беларускіх класікаў.