Пряцяг прэзентацыі новага нумару альманаха “Горад Святога Губерта”.
Бяруць удзел Эдвард Дзмухоўскі, Любоў Зорына, Андрэй Вашкевіч.

Этнакрама “Цудоўня” і  “Гарадзенская Бібліятэка” запрашаюць на прэзентацыю дзесятага, юбілейнага нумару вядомага гістарычнага альманаха “Горад Святога Губерта”. Выданне змяшчае матэрыялы па розных праблемах гісторыі Гродна і Гродзеншчыны, размеркаваныя паміж рубрыкамі “Рэканструкцыя і памяць”, “Вяртанне забытых імёнаў”, “Старонкі гісторыі”, “Анатацыі”. Сярод тэмаў– дзейнасць Ю.Ядкоўскага па захаванню гарадзенскай спадчыны, першапачатковы выгляд Каложы, аднаўленне яўрэйскага квартала, вусныя ўспаміны старажылаў Гродна, цмокі, авантурысты ХІХ ст., анархісты-тэрарысты пачатку ХХ ст., нонканфармісты другой паловы ХХ ст., рэпрэсіі ў ГрДУ імя Янкі Купалы. Упершыню друкуюцца па-беларуску фрагменты ўспамінаў З.Глогера пра вандроўку чоўнам па Нёману ад Гродна да Коўна ў 1872 г., а таксама дакументальныя матэрыялы пра першыя альтэрнатыўныя выбары загадчыка кафедры гісторыі БССР у 1988 г.

У прэзентацыі бяруць аўтары Андрэй Вашкевіч, Любоў Зорына, рэдактар Іна Соркіна, Эдвард Дзмухоўскі. 

Падрабязнасці па тэлефоне (33) 6232616 Андрэй Несцяровіч, этнакрама “Цудоўня”

Даведка:
Этнакрама «Цудоўня» (Горадня) – рамесныя вырабы ў традыцыйным стылі, падарункі, сувеніры і прадметы побыту.