Tandem Evenings in Hrodna – гэта магчымасць паразмаўляць на розных мовах, падзяліцца сваімі ведамі і досведам, абмяняцца культурным досведам пра іншыя краіны, сустрэць жыхароў замежных краін і людзей, якім цікава развівацца і знаёміцца з іншымі культурамі.

На адной сустрэчы мы камунікуем на некалькіх мовах. Мы чакаем тых, хто добра ведае дадзеную мову і тых, хто толькі пачынае яе вывучаць. Асноўнае – жаданне камунікаваць і развіваць свае моўныя кампетенцыі.

Сустрэчы Tandem Evening in Hrodna – некамерцыйныя. Мы сфакусаваныя на абмене мовамі і культурай.

Сустрэчы Tandem Evening in Hrodna – адкрытыя. Яны прызначаныя для тых, хто добра размаўляе на нейкай мове, а таксама для тых, хто толькі пачынае яе вывучаць.

На першай у новым годзе сустрэчы мы, у сувязі з Усебеларускім тыднем роднай мовы, сфакусуемся на адносінах беларускай мовы да замежных моваў, якія мы ведаем і вывучаем. Будзем разглядаць лексічныя падабенствы і адрозненні а таксама – набліжацца да літаратуры і ўключымся ў пераклад беларускай паэзіі.

Сустрэчы будуць праходзіць штотыднёва па серадах а 18:00 па вул. Будзёнага 48а, аўд.63.Уваход вольны!