Першая персанальная выстава маладой гродзенскай мастачкі Таццяны Бузун.

Вернісаж адбудзецца 20 чэрвеня (чацвер), а 17-ай гадзіне.
Шчыра запрашаем паглядзець выставу.

Бузун Таццяна Іванаўна нарадзілася 27 кветня 1975 года ў весцы Ляцк Шчучынскага района ў сям’і служачых. Скончыла мастацкую школу ў горадзе Шчучыне і там жа сярэднюю.

З 1990 па 1993 гады вучылася ў мастацкім вучылішчы г.п. Мір Карэліцкага района. Пасля заканчэння атрымала дыплом з аддзнакай мастака-афарміцеля 4 разрада і была накіравана на практыку ў г.Мінск, дзе поўгода працавала афарміцелем ў прафесійным вучылішчы.
Затым была накіравана працаваць на прамысловае прадпрыемства «Сэрвіс» г.Слоніма.

У 1996 годзе выйшла замуж. Нарадзіла дваіх дзяцей. З 1993 па 1998 годы вучылася ў Гродзенскім дзяржаўным універсітэце ім.Я.Купалы на факультэце педагогікі і псіхалогіі. Доўгі час (да 2008 года) працавала ў Гродзенскім ДАІ старшымінспектарам групы сакрэтнай дзейнасці. У гэты перыяд атрымала другую вышэйшую адукацыю. Скончыла «Спецыяльны факультэт бізнэса іінфармацыйных тэхналогій БДУ».

Таццяна заўседы марыла вярнуцца да творчасці. І з мая 2011 года зарэгістрыравалася ў якасці індывідуальнага прадпрыймальніка. Цяпер працуе над вырабам мастацкіх вітражоў для мэблі, вокан, а таксама вітражных абажураў (займаецця рэстаўрацыяй старых лямп).